ტვინების ბრძოლის 2024 წლის საზაფხულო ბანაკი დაიწყო!
და აი ტვინების ბრძოლის სეზონის კულმინაციური თავგადასავალი უკვე დაიწყო! საზაფხულო ბანაკის შთამბეჭდავი დღეები თქვენთან ერთად! 6-11 აგვისტოს ჩათვლით, თითოეულ ბრეინსელს აქვს შესაძლებლობა, სეზონის ცხელი დღეები, დაუვიწყარ მოგზაურობად და ახალი ურთიერთობების საწყისად აქციოს. შემეცნებით-ინტელექტუალური ბანაკი, გელოდებათ ბაკურიანში, სასტუმროში ,,ლოფტი" -ჩვენი შეკრების ადგილი და თქვენი საუკეთესო არჩევანი, ზაფხულის არდადეგების 6 დღის გასატარებლად.
.
ტვინების ბრძოლის შემეცნებით-ინტელექტუალური ბანაკი, წლებია ბრეინსელებისთვის მონაწილეობის და გამარჯვების მთავარი მოტივატორია. ეს არის საშუალება, შეიძინო ახალი მეგობრები, გახდე კიდევ უფრო სოციალური, თავდაჯერებული, ისწავლო, განამტკიცო, გამოავლინო და გააზიარო საკუთარი შესაძლებლობები. მოკლედ დაწერო შენი წარმატების ახალი ისტორია!
ბანაკში ცხოვრება 6 დღეს მოიცავს. პროგრამა დაგეგმილია იმგვარად, რომ მოსწავლეები დასვენებისა და განტვირთვის პარალელურად, აქტიურად ერთვებიან შემეცნებით-საგანმანათლებლო ღონისძიებებში. ეს არის ასევე თანამედროვე ტექნოლოგიების დაუფლების და არაფორმალური განათლების მიღების საუკეთესო შესაძლებლობა. ბანაკში სტუმრად გვეყოლებიან, მონაწილეებისთვის მისაბაძი და გამორჩეულად საყვარელი ადამიანები.
გარდა ამისა ბანაკის პროგრამაში იქნება, რობოტიკის გაკვეთილები, გუნდური ღონისძიებები, სპორტული აქტივობები, ინტელექტუალური თამაშები, ქორეოგრაფიული და იუმორისტული ღონისძიებები, ღია გაკვეთილები მოწვეულ სტუმრებთან, წამახალისებელი შიდა კონკურსები. გაწერილი პროგრამის პარალელურად, თითოეულ მონაწილეს ექნება საშუალება, გააჟღეროს და გაგვიზიაროს კრეტიული იდეები. ბანაკის დასრულების შემდგომ თითოეული მონაწილე მიიღებს, შესაბამის სერტიფიკატს.
შემეცნებით-ინტელექტუალური ბანაკის სრული ღირებულება შეადგენს 1260 ლარს, რომელიც მოიცავს ყველანაირ ხარჯებს, მათ შორის მონაწილეთა ტრანსპორტირებას, მუნიციპალიტეტებიდან სასტუმროს მიმართულებით და მათ უკან დაბრუნებას. გუნდურ-ინტელექტუალური შეჯიბრის ,,ტვინების ბრძოლის" საქართველოს ჩემპიონები, ბანაკში სრულიად უფასოდ დაისვენებენ, დანარჩენი მონაწილეები კი ისარგებლებენ სხვადასხვა ოდენობის დაფინანსებით, რაც მათ შიდა სასკოლო პირველობიდან, ფინალური ტურის ჩათვლით ეტაპებზე მოიპოვეს. ჩემპიონატის მონაწილეებს, თითოეული ქულა დაუფასდებათ, როგორც ეს არაერთხელ იყო აღნიშნული ჩვენი მხრიდან. მათ მიერ მოპოვებული ქულები უკვე დაჯამებულია და თანხის სახით გამოაკლდება საზაფხულო ბანაკის თვითღირებულებას. ძვირფასო ბრეინსელებო იჩქარეთ, რადგან თავისუფალი ადგილები არც ისე ბევრია, გაიარეთ რეგისტრაცია ჩვენს საიტზე და დაჯავშნეთ თქვენი ადგილი. https://www.brains.ge/pay
ჩვენი გუნდი სრულ პასუხისმგებლობას იღებს, ბანაკში მონაწილეების უსაფრთხოებასა და ჯანსაღ პირობებში ცხოვრებაზე. ამისთვის კომპანიას ჰყავს კვალიფიციური და გადამზადებული კადრები, რომლებიც ორგანიზაციის დამფუძნებლებლებთან ერთად, ინტენსიურ კომუნიკაციაში იქნებიან ბანაკის მონაწილე ახალგაზრდებთან. ჩვენ ვუზრუნველყოფთ იმას, რომ ტვინების ბრძოლის ბანაკში გატარებული ყოველი დღე, თითოეული მონაწილისთვის დაუვიწყარ თავგადასავლად იქცეს.