ტვინების ბრძოლის ბიბლიოთეკა

შვედეთის პატარა სოფელ ბულერბიში სულ სამი სახლი დგას: ერთში 7 წლის ლიზა ცხოვრობს თავის უფროს ძმებთან, ლასესა და ბოსესთან ერთად, მეორე სახლში ორი გოგონა – ბრიტა და ანა, მესამეში კი – ბიჭუნა ულე. ეს ბავშვები მეგობრები არიან – სულ ერთად თამაშობენ, სკოლაში დადიან, მშობლებს ეხმარებიან... წაიკითხეთ ამ ექვსი არაჩვეულებრივი ბავშვის ყოველდღიური ამბები და იხალისეთ მათთან ერთად.

ეს წიგნი ჟიულ ვერნის დროინდელ საბუნებისმეტყველო მეცნიერებების მიღწევებს ეყრდნობა. პერსონაჟებიც, რომლებიც მისი თანამედროვენი არიან, ყველაფერს აკეთებენ თავიანთი პიროვნული საზღვრების გასაფართოებლად. მათი უჩვეულო მოგზაურობა გვაჩვენებს, რომ ბუნების ძალებთან ბრძოლაში მხოლოდ თავის თავში დარწმუნებული, განათლებული და სულიერად გაწონასწორებული ადამიანი იმარჯვებს. ბევრი რამ, რაც ჟიულ ვერნის დროს ფანტასტიკა იყო, დღეს უკვე რეალობაა! მაშ, რატომ იბეჭდება მისი წიგნები დღემდე მრავალათასიანი ტირაჟით? – იმიტომ, რომ არ ძველდება კვლევა-ძიებისა და ცოდნისკენ სწრაფვა, ენთუზიაზმი, ერთმანეთის მხარდაჭერა, რწმენა, სიმამაცე, აღმოჩენის სიხარული და მოგზაურობის თავბრუდამხვევი მიმზიდველობა; იმიტომ, რომ დიდი საქმის დაძლევა, მაღალზნეობრივი მიზნების მიღწევა მხოლოდ თავისუფალ, დიდბუნებოვან და საღად მოაზროვნე ადამიანს ძალუძს; იმიტომ, რომ ამ ყველაფერს აერთიანებს დიდი მწერლის სადა, ოპტიმისტური, ფაქტების ლოგიკით ამოძრავებული და „ენთუზიაზმის გადამდები” თხრობა, რაც მოზარდს განათლების მიღებისა და ძიების სურვილს აღუძრავს.

ბრაზილიელი მწერლის, მოასირ სკლიარის (1937-2011) რომანი „კაფკას ლეოპარდები“ ახალგაზრდა ებრაელის, ბენიამინ კანტაროვიჩის, მეტსახელად „თაგუნას“, თავშესაქცევ ამბავს მოგვითხრობს. ლევ ტროცკისთან შეხვედრაზე მეოცნებეს ბედისწერა დიდ თავსატეხს უმზადებს: მის ხელში თავად ფრანც კაფკას ხელნაწერი აღმოჩნდება, რომელს...

მეგი კეთილი, ჭკვიანი გოგოა, მაგრამ - ჯიუტი და მეამბოხე, რის გამოც სკოლაში პრობლემები აქვს. მეგის მამა დიდი ხნის წინ, ერთ სამეცნიერო ექსპერიმენტზე მუშაობისას, გაურკვეველ ვითარებაში გაუჩინარდა და მასზე აღარაფერი სმენიათ. მეგს საოცარი, მოსიყვარულე ოჯახი ჰყავს, მაგრამ რა გასაკვირია, რომ ძალიან ენატრება მამა...

ავრორას ოჯახი მთელ კორპუსში გამორჩეულია – თუ სხვაგან ბავშვების მოვლასა და საოჯახო საქმეებს, ჩვეულებისამებრ, დედა უძღვება, ხოლო მამა სამსახურში დადის, მათთან პირიქითაა: ავრორას დედა დილიდან საღამომდე სამსახურშია, მამა კი უვლის ჩვილ ბავშვს, ამზადებს სადილებს, რეცხავს, აუთოებს… ეს ამბავი, როგორც ხშირად ხდება, მეზობლების მთავარ საჭორაო თემად იქცა, თუმცა ავრორა ძალიანაც სახალისოდ ატარებს დღეებს მზრუნველ მამასთან ერთად – ეხმარება კიდეც და მშვენივრადაც ერთობა; თუ როგორ, ამას წიგნიდან შეიტყობთ.

სერია „მსოფლიო ლიტერატურის შედევრები“. ინგლისელი მწერლის, ჰენრი რაიდერ ჰაგარდის სათავგადასავლო რომანი „სოლომონ მეფის საგანძური“ აფრიკის საიდუმლოებებით მოცულ მთებში მოხვედრილი ადამიანების საოცარ ამბავს მოგვითხრობს. ამ მთებში თეთრკანიანები სიმდიდრის მოპოვების წყურვილით მიემგზავრებოდნენ. ალმასის საბადო ყველა მოგზაურის ოცნება იყო, მაგრამ ადგილობრივები მტრულად ხვდებოდნენ მათ ქვეყანაში ბრჭყვიალა ქვებისთვის მისულებს. ალან ქუოტერმანი და მისი მეგობრებიც დაადგნენ სოლომონ მეფის საბადოებისკენ მიმავალ სახიფათო გზას, თუმცა არა ალმასების პოვნის სურვილით. ისინი დაკარგულ ადამიანებს ეძებდნენ...

- რა სჯობია კარგ, წესიერ, ვაჟკაცურად ლამაზ, განათლებულ მამაკაცს? – იკითხა ეკატერინე ხომასურიშვილმა, და, თავის სიმართლეში დარწმუნებულმა, საზოგადოებაში ამაყად მიმოიხედა, – არაფერი.
- რა და კაი ქალი, – მიუგო ბარბაბა ჯაშმა, არც დაფიქრებულა.
ასეა, ვის როგორ…

კანადელი მწერლის ერნესტ სეტონ-თომპსონის საყმაწვილო რომანი.

ეს წიგნი მკითხველს ამერიკელი შავკანიანი მონების ცხოვრების შესახებ მოუთხრობს.

ბიძია თომა, კასი, ჯორჯ ჰარისი, ელიზა და სხვა უამრავი ადამიანი მონის მძიმე უღელს ატარებს. მათი ბედი ბატონების ხელშია, რომელთა უმრავლესობისათვის მონა ადამიანი არ არის.

მონების უბედურების ერთადერთი მიზეზი მათი კანის ფერი და წარმოშობაა. მათთვის სიყვარულსა და ადამიანურ ბედნიერებაზე ოცნება აკრძალულია. ბევრი მონა ცხოვრების სიმძიმეს ქედს უხრის, თუმცა არიან ისეთებიც, რომლებიც ბრძოლის გზას ირჩევენ.

ბიძია თომას რთული გზის გავლა უწევს, ხვდება უამრავ ადამიანს, გამოცდის უსამართლობას, გასაჭირს და აღმოაჩენს, რომ ადამიანს აქვს სული, რომელსაც ვერავინ იყიდის; ღირსება, რომელსაც ვერავინ წაართმევს; და შინაგანი თავისუფლება, რომელსაც, თუ მოინდომებს, მონობაშიც შეინარჩუნებს.

მოსწავლის ბიბლიოთეკა ხუთ ასაკობრივ კატეგორიად იყოფა. თითოეულ კატეგორიაში თავმოყრილია შესაბამისი სირთულის ტექსტები. სერიაში შესული არცერთი ნაწარმოები არ არის შემოკლებული.

XX საუკუნის ერთ-ერთი უდიდესი რომანი, ჯორჯ ორუელის წიგნი - გაფრთხილება და, ამავდროულად, სასოწარკვეთაა ადამიანის მომავლის გამო. ის გვაფრთხილებს, რომ თუ ჩვენი ისტორია გეზს არ შეიცვლის, მაშინ ადამიანები დაკარგავენ ყველაზე ადამიანურ თვისებებს და, მათთვისვე შეუმჩნევლად, უსულო საგნებად იქცევიან.

რონია მამაცი და უშიშარი გოგოა და ეს არცაა გასაკვირი, ის ხომ ძლევამოსილი ყაჩაღის – მატისის ასულია, თანაც ჭექა-ქუხილის ღამეს დაიბადა; სწორედ იმ ღამეს, როცა მეხმა ორად გააპო მატისის ციხე და მთლიანად შეცვალა ყაჩაღთა ბელადისა და მისი 12 ყაჩაღის ცხოვრება.

მაინ რიდის “უთავო მხედარი” სათავგადასავლო რომანია, სადაც მოქმედება XIX საუკუნის 50 იანი წლების ტეხასის შტატში ვითარდება. ახალი ამერიკა, ინდიელთა ბრძოლა კოლონიზატორების წინააღმდეგ, სიყვარული და თავგანწირვა, თავისუფლება და ღირსება. ეს ზღაპარივით საკითხავი სინამდვილეა და ერთ- ერთი ყველაზე თავბრუდამხვევი სათავგადასავლო ისტორია, სადაც საბოლოო ჯამში სიყვარული და სიკეთე იმარჯვებს.

ღარიბი მეზღვაური მარტინ იდენი წარმატებასა და მაღალ სოციალურ მდგომარეობაზე ოცნებობს და ცდილობს,ეს ოცნება რეალობად აქციოს.მოტივაციაც დიდი აქვს - უყვარს მდიდარი და გავლენიანი ოჯახის შვილი.გოგონას გულისა და ხელის მოსაპოვებლად კი სიმდიდრე და საზოგადოების პატივისცემა სჭირდება.დიდი მცდელობის შემდეგ,მარტინ იდენთან წარმატება მოდის - ის დიდებას მოიპოვებს, თუმცა...სად გადის ზღვარი ინდივიდუალიზმის შენარჩუნებასა და წარმატებას შორის?რამდენის დათმობა და გაღება შეუძლია ადამიანს მიზნის მისაღწევად?..

ნიკო ლომოურის სიტყვას ყოველთვის უდიდესი ძალა ჰქონდა საზოგადოებაში. ამ ტკბილმოუბარი, დახვეწილი ქართულით მოსაუბრე მწერალს შესანიშნავი საბავშვო მოთხობები ჰქონდა. სიუჟეტს ყოველთვის რეალური ცხოვრებიდან იღებდა. ცდილობდა ბავშვებისთვის მისაღებ ენაზე გადმოეცა ადამიანის ყოფა, გაჭირვება, ოცნებები და ცრუმორწმუნ...

ბავშვებო, თუ ბარონი მიუნჰაუზენი ამბობს, რომ ყუმბარაზე ამხედრებული დაფრინავდა, ესე იგი ასეც იყო. იცით თუ არა, რომ ყველაზე მართალი ადამიანი დედამიწაზე ნამდვილად არსებობდა? დიახ, ბარონი მიუნჰაუზენი ნამდვილად ცხოვრობდა მე-18 საუკუნის გერმანიაში. ის მდიდარი ოჯახიდან იყო და ახალგაზრდობაში ერთხანს რუსეთში ცხოვრობდა და რუსეთ-თურქეთის ომშიც მონაწილეობდა. ომის დამთავრების შემდეგ ის გერმანიაში დაბრუნდა.

მეგობრობა, სიყვარული, ცხოვრების სირთულეები და დაკარგული თაობის ტკივილი - ეს ყველაფერი ერიხ მარია რემარკის დაუვიწყარ რომანში. პოსტ-საომარი პერიოდის გერმანიაში, სამი მეგობრის ცხოვრება სავსეა სირთულეებითა და მტკივნეული გადაწყვეტილებებით, მაგრამ მათ ერთმანეთისთვის უდიდესი მხარდაჭერის ძალა აქვთ. წიგნი, რომელიც გულგრილს არავის დატოვებს.

მზად იყავით "ტვინების ბრძოლის" ახალ სეზონზე და აუცილებლად გაეცანით ამ შესანიშნავ ნაწარმოებებს!

"ყველა ერთი - ერთი ყველასათვის!" დ'არტანიანი და მისი მეგობრები - ათოსი, პორთოსი და არამისი, თავგანწირვით იბრძვიან სამეფოსთვის, ღირსებისთვისა და მეგობრობისთვის. დიუმას ეს კლასიკური რომანი სავსეა ინტრიგებით, მძაფრი მოქმედებითა და დაუვიწყარი დიალოგებით. სწორედ ამ წიგნიდან იწყება რეალური საფრანგეთის ისტორიისა და ფანტასტიკური თავგადასავლების შერწყმა.

...გუგულის ბუდეზე სხვა გადაფრინდა“ 1962 წელს დაიწერა. მსოფლიო ლიტერატურაში იშვიათია წიგნი, რომელიც ასე ზუსტად გამოხატავს კონკრეტული ეპოქის სულს და, ამავდროულად, მარადიულ ფასეულობებს ეხმიანება - ინდივიდისა და სოციუმის ურთიერთობა, თავისუფლებისაკენ სწრაფვა, საკუთარი ფესვების ძიება... სრულიად ლოგიკურია, რომ რომანი კენ კიზიმ დაწერა - ადამიანმა, რომელიც თავისი ცხოვრებისეული გამოცდილებითა და მუდმივი, ნაირგვარი შემოქმედებითი ძიებებით ა�მერიკული კონტრკულტურის ორგანული ნაწილი იყო. წიგნის მიხედვით 1975 წელს მილოშ ფორმანმა ლეგენდარული ფილმი გადაიღო, რომელშიც მთავარი როლი ჯეკ ნიკოლსონმა შეასრულა

ამ წიგნის პირველი გამოცემიდან ორ საუკუნეზე მეტი გავიდა. აღმოჩნდა კი ჭკუის სასწავლი სახელმძღვანელო ეს წიგნი, როგორც ავტორი ვარაუდობდა? რას ემართლებოდა მართალი გულივერი თავისი დროის საზოგადოებას, რომელსაც იგი ჯოგს უწოდებს? რაში სდებდა ბრალს თავის ხალხს? რა შეიცვალა მას შემდეგ ხალხის აზროვნებაში? ან საერთოდ, შეიცვალა კი? როგორ გაუძლო საუკუნეებს ნაწარმოებმა, რომელიც, როგორც ავტორი აცხადებს, ხალხის მოსაწონად კი არ დაწერა, არამედ მა��თ გამოსასწორებლად? შესაძლებელია კი ხალხის გამოსწორება? ამ უკვდავი წიგნის წაკითხვის შემდეგ ამ კითხვებზე პასუხებს გონიერი მკითხველი თავად იპოვის.

იტალიელმა მწერალმა, ჰანს ქრისტიან ანდერსენის პრემიის ლაურეატმა, ჯანი როდარიმ გამოიგონა ხილ-ბოსტნეულის სამყარო, რომლის მცხოვრებლები სახელებითაც გამოხატა��ვენ თავიანთ ზნესა და ქცევას. წაიკითხე ხასიათების მრავალფეროვნებით, ლაღი იუმორითა და ზომიერი ირონიით გამორჩეული ჩიპოლინოს თავგადასავალი და ისიამოვნე ამ ლიტერატურული შედევრის მშვენიერი ქართული თარგმანით

"ბაბუაწვერას ღვინო" ეს სიტყვები ენაზე ზაფხულის გემოს ტოვებდა,თავად ღვინო კი შეყოვნებული და მოხუფული ზაფხული გახლდათ.1928 წ-ს ზაფხული დაგლას სპოლდინგისთვის სიცოცხლის მშვენიერებისა და წარმოავლობის შეცნობის ხანად იქცა.პატარა ქალაქის ცხოვრება,მისი კეთილი თუ უცნაური ბინადრები საინტერესო წარსულით-ბიჭისათვის ბავშვური განცდებისა და ემოციების წყაროა,რომელიც,შესაძლოა,დიდობაში აღარ განმეორდეს.დაგლასმა უკვე იცის,რომ სიცოცხლე მარადიული არ არის,რომ ერთ მშვენიერ დღესაც ბაბუა ვეღარ დააყენებს ბაბუაწვერას ღვინოს.

მარკ ტვენი ყველა დროის მოზარდი მკითხველის საყვარელი ავტორია.

ამ წიგნში წაიკითხავთ საოცრად შთამბეჭდავ ამბავს უფლისწულსა და მათხოვარზე. ეს ორი ცნობისმოყვარე ბიჭუნა გაჭრილი ვაშლივით ჰგავს ერთმანეთს, თუმცა, განსხვავებული საზოგადოებრივი სტატუსი აქვთ. ერთი მათგანი, ტომ კენტი, ლონდონის ჯურღმულებში მცოხვრები ღარიბი ბიჭია, მეორე, ედვარდ ტიუდორი კი – ტახტის მემკვიდრე.

1939, ნაცისტური გერმანია. ქვეყანა სუნთქვაშეკრულია. სიკვდილი ასეთი მოუცლელი არასოდეს ყოფილა. ცხრა წლის ლიზელი დედობილ-მამობილთან ერთად ჰიმელ-სტრიტზე ცხოვრობს, მისი მშობლები საკონცენტაციო ბანაკში გაგზავნერს. გოგონა წიგნებს იპარავს, კითხულობს და ბოლოს, თვითონ იწყებს წერას. ეს არის ამბავი ლიზელსა და მის მეზობლებზე. ეს ჰიმელ-სტრიტის დაბომბვის ისტორიაა. მარკუს ზუზაკი ავსტრალიელი მწერალია. მისი ოჯახი იქ ავსტრიის დატოვების შემდეგ დასახლდა. „წიგნის ქურდის“ მთავარი გმირის, ლიზელის დედობილ-მამობილის მსგავსად, ავტორის დედა გერმანელია, მამა მღებავად მუშაობდა. მთელი ბავშვობა მარკუსი მშობლებისგან ისმენდა საოცარ ამბებს ომზე, ნაცისტურ გერმანიაზე, მიუნხენის დაბომბვაზე, საკონცენტრაციო ბანაკებსა და იმ ებრაელ ტყვეებზე, რომლებსაც მიუნხენის მახლობლად მდებარე ბანაკამდე სანამ მიიყვანდნენ, ერთი პატარა ქალაქი ფეხით უნდა გაევლოთ – იმ ქალაქში მარკუსის დედა ცხოვრობდა. მოგვიანებით მწერალი იტყვის: „ბავშვობაში მოსმენილი ამბები მახსენებდა, საიდან ვარ და ვინ ვარ. ჩემი მშობლების განვლილი გზა, მათი მხნეობის მაგალითი და ბრძოლა გადარჩენისა და უკეთესი ცხოვრებისათვის წარმატების საფუძვლად მექცა. რა იქნებოდა თითოეული ჩვენგანი ისტორიის, წარსულის გარეშე“. ომის დროინდელი ბიოგრაფიები მარკუს ზუზაკმა თავის რომანებში გააცოცხლა. ახალგაზრდა მწერალი უკვე ექვსი რომანის ავტორია, მათ შორის ყველაზე ცნობილი და პოპულარული სწორედ „წიგნის ქურდია“.

ყვავილები ელჯერნონისთვის - სპეციალური საჭიროების მქონე მამაკაცს, ჩარლის, ტვინზე ოპერაციას უკეთებენ, რომლის შემდეგაც მისი IQ 180ს უტოლდება და იგი გენიოსი ხდება. ჩარლის დღიურების სახით დაწერილ ნაწარმოებში მკითხველი თვალყურს ადევნებს მთავარი გმირის ტრანსფორმაციას და მის ეტაპობრივ სვლას გონებრივი განვითარების უმაღლესი საფეხურისკენ, აკვირდება მის გრძნობებს, დამოკიდებულებას სამყაროსთან.

ანტუან დე სენტ-ეგზიუპერის „პატარა პრინცი“ ყველაზე პოპულარული ფრანგულენოვანი წიგნი და ყველა დროის ბესტსელერია, თავად ავტორი კი – საფრანგეთის რამდენიმე უმაღლესი ლიტერატურული ჯილდოს ლაურეატი.

ქონდარეთის ჯიუტმა და ძილისგუდა უფლისწულმა სიზმარში ნანახ ციცინათელების მწყემსთან თამაში მოინდომა. ღამის შიკრიკებმა ციცინათელების მზეთუნახავი მწყემსი მოიტაცეს და უფლისწულს მიჰგვარეს. მეგობრის გადასარჩენად სალამურამ ქვეყნიერება მოიარა და რა არ გადახდა თავს – ჯამბაზობაც ისწავლა და მუშტი-კრივიც…

წაიკითხე ყველა დროის საუკეთესო ქართული ლიტერატურული ზღაპარი – არჩილ სულაკაურის „სალამურას თავგადასავალი“ – და უფრო მეტს შეიტყობ სიკეთესა და მეგობრობაზე.

გურამ დოჩანაშვილის ნაწარმოები „კაცი, რომელსაც ლიტერატურა ძლიერ უყვარდა“, ვეჭვობ, ის ნაწარმოებია, რომელიც არასოდეს დაგავიწყდებათ. ვფიქრობ, ის გულგრილს ვერც ერთ მკითხველს ვერ დატოვებს. ნაწარმოები საინტერესოა, რადგან ის ჩადებულ სიბრძნესთან ერთად გაჯერებულია ირონიითა და სარკაზმით. ეს ყველაფერი კი მოთხრობას დამატებით ელფერს სძენს და უსაზღვრო ემოციას აღძრავს მკითხველში. აღსანიშნავია, რომ იუმორი ნორმის ფარგლებში გვხვდება, ხოლო თხრობა დაახლოებით ისევე მიმდინარეობს, როგორც ვასიკო კეჟერაძე ფიქრობს კარცერ-ლუქსებში მყოფი ხალხისთვის პროგრამის შედგენას. ნაწარმოები იწყება შედარებით მსუბუქად და ხშირად ვაწყდებით იუმორს, თუმცა სიუჟეტი თანდათან მეტად სერიოზულ სახეს იღებს და მთავარი სათქმელიც სწორედ მანდაა გაცხადებული

ქართველი მწერლის ილია ჭავჭავაძის სატირული მოთხრობა თავად ლუარსაბ თათქარიძესა და მის ოჯახზე, რომელშიც გაშუქებულია მარადიული პრობლემა ადამიანის ცხოვრების არსისა. ერთი გამოგონილი პერსონაჟის მაგალითზე გაკრიტიკებულია ადამიანის ბიოლოგიური არსებობა. მოთხრობაში, ასევე, გაკრიტიკებული არიან იმდროინდელი ქართველები, როგორც თავად-აზნაურობა, ასევე გლეხები და მათი ზოგიერთი ჩვეულება.

ცნობილი იტალიელი საბავშვო მწერლის, ჯანი როდარის, არანაკლებ ცნობილი ზღაპარი, რომელიც ჯელსომინოს საინტერესო თავგადასავალზე გვიამბობს.

ობოლი სოფლელი ბიჭი ზურიკელა ოლღა ბებიის და მეზობლების, ილიკოსა და ილარიონის გარემოცვაში იზრდება. ილიკო და ილარიონი იუმორით სავსე ადამიანები არიან, ერთმანეთთან საოცრად თბილი ურთიერთობა აქვთ და ამავე დროს სულ კამათობენ. ზურიკელას უყვარდება თანაკლასელი გოგონა მერი, წერს პირველ ლექსს, აბარებს მისაღებ გამოცდებს. იგი უმაღლესის დამთავრების შემდეგ კვლავ სოფელს უბრუნდება და მზადაა, სიკეთის მარცვალი ჩააგდოს ცხოვრების საკუთარ ხნულში.

ისმაილ კადარე (დ. 1936 წ.) სახელგანთქმული ალბანელი პროზაიკოსი და პოეტია. მსოფლიოში აღიარებულ მის რომანებს მიღებული აქვს სხვადასხვა ქვეყნის ლიტერატურული.ჯილდოები: ჩინო დელ დუკას(1992), ბუკერის (2005 ), პრინც ასტურიელის (2009), იერუსალიმის (2015) პრემიები. რამდენჯერმე იყო.წარდგენილი ნობელის პრემიაზე.

„რომ არ ყოფილიყო ტოლკინი, რომ არ არსებულიყო ზღაპარი, რომელიც სულაც არ არის ზღაპარი – იქნებოდა თუ არა სამყარო ისეთი, როგორიც არის? ვიქნებოდით თუ არა ჩვენ უფრო უკეთესები ან უარესები, ვიდრე ვართ? მართლაც კარგი იქნებოდა, ეს ზღაპარი გვექცია ცხადად, ახალი ენები გვესწავლა და ახლიდან დაგვეწყო კაცობრიობის თავგადასავალი.“ – დეილი მირორი. ~

მე-19 საუკუნის დიდი შოტლანდიელი მწერლის რობერტ ლუის სტივენსონის ყველაზე პოპულარული და მნიშვნელოვანი სათავგადასავლო რომანი, რომელშიც მოთხრობილია მეკობრეების მიერ უკაცრიელ კუნძულზე გადამალული განძის მაძიებელთა თავგადასავალი.

აკა მორჩილაძე დაიბადა თბილისში 1966 წელს. თბილისის სახელმწიფო უნივერსიტეტში ასწავლიდა საქართველოს ისტორიას, მუშაობდა ჟურნალისტად რამდენიმე გაზეთში. გამოცემული აქვს 20-ზე მეტი წიგნი. მიღებული აქვს არაერთი ლიტერატურული პრემია, მათ შორის 2003, 2005, 2006, 2008, 2012 წლებში პრემია „საბა'' წლის საუკეთესო რომანისთვის. 2010 წელს მიიღო ილიას სახელმწიფო უნივერსიტეტის ლიტერატურული პრემია რომანისთვის „მამლუქი''.
„ფალიაშვილის ქუჩის ძაღლები'' პირველად 1995 წელს გამოვიდა, 1999 წელს დაიდგა ახმეტელის თეატრში და წიგნმაც და სპექტაკლმაც უზომო პოპულარობა მოიპოვა. ინტერესი ამ საოცრად თბილი და ტრაგიკული ნაწარმოების მიმართ დღემდე არ განელებულა, პირიქით, რაც დრო გადის, უფრო მეტად პოპულარული ხდება.

ეს არის ასტრიდ ლინდგრენის უმშვენიერესი ზღაპარი პატარა ბიჭზე. მისი სახელია ბოსე, სტოკჰოლმის ერთ პატარა ქუჩაზე ცხოვრობს და ჰგონია, რომ არავის უყვარს... ბიჭი მოულოდნელად აღმოაჩენს, რომ სინამდვილეში შორეული ქვეყნის უფლ�ისწულია, ბოსე კი არა, მიო ჰქვია და ბავშვების გადასარჩენად სასტიკ მხედარ კიტოს უნდა შეებრძოლოს

მოთხორბის გმირი, ბეკინა სამანიშვილი, გაღარიბებული აზნაურია. მისი შვილი, უბრალო მიწის მუშად ქცეული პლატონი, წელებზე ფეხს იდგამს, რომ ოჯახს ცხოვრების სახსარი შეუნარჩუნოს. დაქვრივებული ბეკინა მეორე ��ცოლის შერთვას გადაწყვეტს, რაც ქონების მოზიარის გაჩენის საშიშრობას უქმნის პლატონს და აიძულებს მას საკუთარი სადედინაცვლოს — ორნაქმარევი უშვილო ქალის მაძიებლის დამამცირებელი და კომიკური როლი იკისროს.

ნოდარ დუმბაძის რიგით მეორე რომანი. ნაწარმოების მოქმედება ვითარდება დიდი სამამულო ომის დ�როს, გურიის ერთ-ერთ სოფელში. რომანის მთავარი გმირია ბრმა ხატია, რომელიც, როგორც თვითონ ამბობს, მხოლოდ მზეს და მის შეყვარებულს, სოსოიას, ხედავს.

მარკ ტვენის ყველაზე ცნობილი საბავშვო წიგნი - ”ტომ სოიერის თავგადასავალი”. წიგნში მოთხრობილია თორმეტი წლის ობოლი ბიჭუნა ტომის ამბავი რომელიც დეიდასთან ერთად ცხოვრობს. ტომის და მისი მეგობრების თავგადასავალი რამოდენიმე თვე გრძელდება, რომლის დროსაც ტომი პოულობს მეგობარ გოგონას, გარბის სახლიდან და ცხოვრობს კუნძულზე, დაიკარგება გამოქვაბულში, საიდანაც მსვიდობიანად გამოაღწევს და თან განძსაც აღმოაჩენს.

საიდუმლოებით მოცულ�ი კაპიტანი ნემო, მის მიერვე აგებულ ხომალდზე ბუნებისმეტყველების პროფესორს დაატყვევებს და წყალქვეშა სამყაროში ამოგზაურებს: აქ წაიკითხავთ წყალქვეშა სამყაროს მკვიდრთა გასაოცარ ამბებს, მრავალი ფიზიკური და მათემატიკური ამოცანის ამოხსნის მოწმეც გახდებით, ზოგს დაიჯერებთ, ზოგს - არა, ფიზიკა-მათემატიკისა და გეოგრაფია-ბიოლოგიის სახელმძღვანელოებში გადამოწმების სურვილიც გაგიჩნდებათ აქ მოთხრობილი ამბებისა და წიგნის დასასრულს, თქვენვე უპასუხებთ მწერლის მიერ დასმულ შეკითხვას: „საით მიგვაქროლებს კაპიტან ნემოს ფანტაზია?“

რით ჰგვანან „ცხოველების ფერმის“ პერსონაჟები - ღორი ნაპოლეონი, ძაღლი პინჩერი, თვინიერი ცხვარი, დამონებული ცხენები, იხვის ჭუჭულები და მათი მეგობრები ადამიანებს; რატომ უნდა გამოცემულიყო გაცილებით ადრე ჯორჯ ორუელის ეს მინირომანი; რა დაეხმარება ძველ თაობას იმისთვის, რომ არასოდეს დაივიწყოს, საიდან მოდიან და რატომ არ უნდა გაუჩნდეთ ახალგაზრდებს ცხოველების ფერმაში დაბრუნების სურვილი... - ეს მცირე ჩამონათვალია იმისა, რაზეც პასუხებს ამ წიგნში ამოიკითხავთ. ჯორჯ ორუელის „ცხოველების ფერმა“ - აკრძალული რომანი, ანუ ვინ აშენებს უტოპიურ სახელმწიფოს!

მიხეილ ბულგაკოვის რომანი, რომელიც გამოიცა 1966 წელს. რომანის ჟანრის ზუსტი დახასიათება რთულია - მასში არის როგორც სატირა, ფარსი, მისტიკა, ასევე - რომანტიკა, ფილოსოფიური იგავები და სხვა. რომანის სიუჟეტი არის ერთ-ერთი პოპულარული XX საუკუნის ლიტერატურაში და მის მიხედვით ასევე გადაღებული და დადგმული არა ერთი ფილმი თუ სპექტაკლი.

რომანი გამოიცა მწერლის მეუღლის, ელენე ბულგაკოვას ინიციატივით, რომელიც თავად ეხმარებოდა მიხეილს მის დაწერაში (ბოლო დროს, როდესაც მიხეილი ავად იყო, იგი ტექსტს მეუღლის კარნახით წერდა). იგი დაიბეჭდა 1966-1967 წლებში, ავტორის გარდაცვალებიდან 26 წლის შემდეგ, ჟურნალში, შემოკლებული ფორმატით. საბჭოთა ინტელიგენციაში იგი პოპულარობით სარგებლობდა და ოფიციალურ გამოცემამდე ხელით გადაბეჭდილი ასლების სახით ვრცელდებოდა.

რომანის მოქმედების ადგილია შუა საუკუნეების საქართველო, ხოლო მთხრობელი – იტალიელი მოგზაური, რომელიც ევროპელ მისიონერებთან ერთად საქართველოში ჩამოდის. ანტონიო და დავითი დაძაბული დრამაა, რომელშიც ადამიანის სულის ხსნისთვის ბრძოლა ისტორიული რეალიებისა და რელიგიური დისკურსების ჭიდილის ფონზე მიდის. მაღალი ემოციური მუხტის მქონე ეს რომანი უზადო ტექნიკითა და გამორჩეულად დახვეწილი ენითაა დაწერილი.

HELLADOS ესაა ნოდარ დუმბაძის პატარა ნაწარმოები,ბერძენი ბიჭის და მისი ურთიერთობის შესახებ, აფხაზეთში თბილისიდან ჩასულ ბიჭუნასთან.ეს ბერძენი ბიჭი გახლავთ იანგული,რომელიც მის ტოლ და უმცროს თაობაში დიდი ავტორიტეტით სარგებლობს.ის ქუჩაში ყველაზე კარგად ჩხუბობს და ამიტომაც გახდა „ყოჩი“.იანგული თავზე არავის დაისვამს,ამას თავისი წარმომავლობა არ აძლევს უფლებას და ამიტომ, საქმეს ის მუშტი-კრივით არჩევს,როგორც მოხდა ჯემალისთან შემთხვევაში.ჯემალიმ ის სკოლისკენ მიმავალი გზიდან გაიცნო,მაშინ,როცა მის საყვარელ დეიდას, ვიოლინოს მასწავლებლისგან მიჰყავდა ის სახლში,იანგული ჯემალს გამომწვევად მოექცა,ჯემალი კი მაშინვე მიხვდა რომ ამ ბიჭისგან კარგს არაფერს უნდა დალოდებოდა.მოვლენებიც სწორედ ასე განვითარდა.ყოველი მათი შეხვედრა დაძაბულობით იყო სავსე.იანგული და ჯემალი რამდენჯერმე შეხვდნენ ერთმანეთს საჩხუბრად,მხოლოდ იმიტომ,რომ იანგულს არ სურდა თავისი “ყოჩობა” ვინმესთვის დაეთმო,თუმცა არც ჯემალი ცდილობდა ამას,მას

ლენებერგელი ემილი – ასე ჰქვია ასტრიდ ლინდგრენის ერთ-ერთ გამორჩეულ პერსონაჟს. ეს მხიარული, ონავარი ბიჭუნა მუდამ ფათერაკებში ეხვევა: ხან საწვნეში გაეჭედება თავი, ხან ხურდა ფულს გადაყლაპავს, ხან დაიკო იდას შეღებავს ლურჯად; მის დაგებულ მახეში კი თაგვის ნაცვლად მამა გაებმება.

თავისი სიცელქის გამო მშობლები ბიჭუნას თითქმის ყოველდღე დასასჯელად ფარდულში გამოკეტავენ ხოლმე. ჩვენი ემილი ძალიან მოუსვენარია, მაგრამ გული კეთილი აქვს და ყოველთვის მზად არის, დაეხმაროს გაჭირვებაში ჩავარდნილ ადამიანებს.

მოსწავლის ბიბლიოთეკა მოსწავლეებს მკითხველებად ჩამოყალიბებაში ეხმარება, მშობლებს – შვილებისათვის ასაკის შესაბამისი ლიტერატურის შერჩევაში, პედაგოგებს კი – მოსწავლეთათვის კლასგარეშე საკითხავის ეტაპობრივად მიწოდებაში.

1/1

წიგნები საქალაქო ჩემპიონატისთვის

გთავაზობთ 2025 წლის გაზაფხულის სეზონისთვის დაანონსებულ წიგნებს "ტვინების ბრძოლის" საქალაქო ჩემპიონატისთვის, სტატიაში მოცემულია წიგნები ასაკო

წიგნები

ალექსანდრე ბასილაძე

Feb 151 min read

დაანონსებული წიგნები - საქალაქო ჩემპიონატისთვის

თავაზობთ დაანონსებულ წიგნებს, ტვინების ბრძოლის საქალაქო ჩემპიონატისთვის, რომელიც 10 ნოემბერს გაიმართება. სტატიაში მოცემულია წიგნები ასაკობრი

news

ალექსანდრე ბასილაძე

Oct 17, 20241 min read

წიგნები საქალაქო ჩემპიონატისთვის

გაინტერესებს რა წიგნი უნდა წაიკითხო საქალაქო ტურში წარმატებული ასპარეზობისთვის ? აი ისინიც: U5 (3,4,5 კლასი)- ,,ლიონებერგელი ემილი’’...

წიგნები

Salo Kapanadze

Apr 15, 20241 min read

17 დეკემბერი - წიგნები ფინალური თამაშისთვის

გთავაზობთ დაანონსებულ წიგნებს, ტვინების ბრძოლის რეგიონული ჩემპიონატისთვის, რომელიც 17 დეკემბერს გაიმართება. სტატიაში მოცემულია წიგნები ასაკო

წიგნები

ალექსანდრე ბასილაძე

Dec 13, 20232 min read

წიგნები 10 დეკემბრის თამაშისთვის - რეგიონული პირველობა

გთავაზობთ დაანონსებულ წიგნებს, ტვინების ბრძოლის რეგიონული ჩემპიონატისთვის, რომელიც 3 დეკემბერს გაიმართება. სტატიაში მოცემულია წიგნები ასაკობ

news

ალექსანდრე ბასილაძე

Nov 26, 20231 min read

დაანონსებული წიგნები - საქალაქო ჩემპიონატისთვის

გთავაზობთ დაანონსებულ წიგნებს, ტვინების ბრძოლის საქალაქო ჩემპიონატისთვის, რომელიც 26 ნოემბერს გაიმართება. სტატიაში მოცემულია წიგნები ასაკობრ

წიგნები

ალექსანდრე ბასილაძე

Nov 13, 20231 min read

ჭადრაკი - სპორტი თუ ხელოვნება?

წარმოადენს ჭადრაკი სპორტის სახეობას? თუ ეს ხელოვნებაა, რომელსაც საერთო არაფერი აქვს სპორტთან? თითოეულ ამ თვალსაზრისს ბევრი მხარდამჭერი და მო

წიგნები

ალექსანდრე ბასილაძე

May 15, 20232 min read

თუ 2 აპრილს მოგებას აპირებ ეს წიგნი უნდა წაიკითხო!

გთავაზობთ დაანონსებულ წიგნებს, ტვინების ბრძოლის რეგიონული ჩემპიონატისთვის, სტატიაში მოცემულია წიგნები ასაკობრივი კატეგორიების მიხედვით. წიგნ

წიგნები

ალექსანდრე ბასილაძე

Mar 7, 20231 min read

დაანონსებული წიგნები 20 ნოემბერი - რეგიონული პირველობა

გთავაზობთ დაანონსებულ წიგნებს, ტვინების ბრძოლის რეგიონული პირველობისთვის სტატიაში მოცემულია წიგნები ასაკობრივი კატეგორიების მიხედვით....

წიგნები

ალექსანდრე ბასილაძე

Oct 17, 20221 min read

აგვისტოში წასაკითხი 3 წიგნი. ტვინების ბრძოლის ექსპერტთა რჩევები

“ტვინების ბრძოლის” გუნდი გირჩევთ ტოპ 3 წიგნს აგვისტოში წასაკითხად! მე-3, მე-4, მე-5 კლასები: ჯელსომინო ცრუთა ქვეყანაში ცნობილი იტალიელი...

წიგნები

Mariam kacadze

Aug 16, 20221 min read

დაანონსებული წიგნები - 5 ივნისი

გთავაზობთ დაანონსებულ წიგნებს "ტვინების ბრძოლის" რეგიონული თამაშისთვის. სტატიაში მოცემულია წიგნები ასაკობრივი კატეგორიების მიხედვით....

წიგნები

ალექსანდრე ბასილაძე

May 20, 20221 min read

დაანონსებული წიგნები - 17 ნოემბერი, ფინალი

გთავაზობთ დაანონსებულ წიგნებს, ტვინების ბრძოლის 10 ნოემბრის თამაშისათვის, სტატიაში მოცემულია წიგნები ასაკობრივი კატეგორიების მიხედვით. U5...

წიგნები

ალექსანდრე ბასილაძე

Nov 10, 20191 min read

დაანონსებული წიგნები - 10 ნოემბერი

გთავაზობთ დაანონსებულ წიგნებს, ტვინების ბრძოლის 10 ნოემბრის თამაშისათვის, სტატიაში მოცემულია წიგნები ასაკობრივი კატეგორიების მიხედვით....

წიგნები

ალექსანდრე ბასილაძე

Oct 20, 20191 min read

დაანონსებული წიგნები რეგიონალური ჩემპიონატისათვის

გთავაზობთ დაანონსებულ წიგნებს, ტვინების ბრძოლის 14 აპრილის თამაშისათვის, სტატიაში მოცემულია წიგნები ასაკობრივი კატეგორიების მიხედვით....

წიგნები

ალექსანდრე ბასილაძე

Mar 17, 20191 min read

დაანონსებული წიგნი ფინალისთვის - 16 დეკემბერი

გთავაზობთ დაანონსებულ წიგნებს, ტვინების ბრძოლის ფინალური თამაშისათვის, სტატიაში მოცემულია წიგნები ასაკობრივი კატეგორიების მიხედვით....

წიგნები

ალექსანდრე ბასილაძე

Dec 3, 20181 min read

"ოსტატი და მარგარიტა" მიხაილ ბულგაკოვი/U12

დაანონსებული წიგნი მესამე ასაკობრივი კატეგორიისთვის U12. 25 ნოემბერი ოსტატი და მარგარიტა (რუს. Мастер и Маргарита) — მიხეილ ბულგაკოვის...

წიგნები

ალექსანდრე ბასილაძე

Oct 25, 20181 min read