ტვინების ბრძოლის ისტორიული ფინალი!

,,ტვინების ბრძოლა შემოდგომა 2024" - ნამდვილად აღმოჩნდა გამორჩეული სეზონი ბრეინსის ისტორიაში. აქამდეც ხშირად გაჟღერებულმა სიტყვამ ,,რეკორდი" კვლავ თავის თავს აჯობა და ახალი სტატისტიკით, ყველანაირ ძველ მონაცემს გადააჭარბა.15დეკემბერს ფინალურ ტურზე, გუნდურ-ინტელექტუალური შეჯიბრის სამივე ასაკობრივ კატეგორიაში ჯამში 630 გუნდმა და 3200მდე მონაწილემ იასპარეზა! 

დიდ კონკურენციას დიდი მღელვარება და გამარჯვებები მოჰყვა! პირველ ასაკობრივ კატეგორიაში (მე3,4,5 კლასი) მაქსიმალური ქულა - 77 დაფიქსირდა. საუკეთესო შედეგი ორმა გუნდმა აჩვენა. ესენი აღმოჩდნენ:

1- ბარდნალის საჯარო სკოლა, გუნდი ,,გამბედავები" კაპიტანი- ჯონი ნემსიწვერიძე.

2- თბილისის თავისუფალი სკოლა, გუნდი ,,super brains" კაპიტანი- ლოლა კვინიკაძე.

ორივე მათგანის ანგარიშზე თანაბარი 77 ქულა ირიცხება. სუპერ-ფინალის გზით 25 დეკემბრამდე, მათ შორის ერთი გამარჯვებული გამოვლინდება. ბრეინსი ორივე გუნდს წარმატებას უსურვებს, თუმცა აღნიშნული შედეგი უკვე უპირობო წარმატებაა.

ფინალური ტურის გამარჯვებული მეორე ასაკობრივ კატეგორიაში (6,7,8 კლასი) კი გახდა მოაზროვნე გუნდი ქუთაისიდან, N34 საჯარო სკოლა ,,თეთრი ლომი" კაპიტანი- ლუკა ახვლედიანი. აღსანიშნავია, რომ ფინალის ჩემპიონის გამოსავლენად, პენლების სერიის გამოყენება გადხა საჭირო, შედეგად გუნდმა ,,ქუთაისელები" ნიკოლოზ ნაცვილშვილის კაპიტნობით მეორე ადგილი აიღო.

ფოტო გამარჯვებული გუნდთან, N34 სკოლა გუნდი ,,თეთრი ლომები"

ტვინების ბრძოლის მესამე ასაკობრივი კატეგორიის (9,10,11,12 კლასი) გამარჯვებული კი გახდა, გუნდი ,,მრგვალი მაგიდა" თბილისის თავისუფალი სკოლა-კაპიტანი ნიკოლოზ ხარშილაძე, გუნდის ფინალური ტურის ანგარიშზე 71 ქულაა.

რაც შეეხება ტვინების ბრძოლის მთავარ პრიზს, საქართველოს ჩემპიონები დასაჩუქრდებიან - ციფრული თაობის “Smart Gadgets”ტექნოლოგიებით! თითოეული ასაკობრივი ჩემპიონატის გამარჯვებულს გადაეცემა შესაბამისი ინტერესის მიხედვით შერჩეული ციფრული ტექნიკა, მაგალითად, რობოტ კონსტრუქტორები, ვირტუალური რეალობის სათვალე, სმარტფონი, პლანშეტური კომპიუტერი და სხვა.

ჩემპიონთა საზეიმო დაჯილდოების ცერემონია გაიმართება 10 თებერვალს, გამარჯვებული გუნდების სკოლებში.

პრიზების გარეშე არც მეორე და მესამე ადგილოსანი გუნდები დარჩებიან, იქამდე სანამ ჯილდოს შესახებ მოგახსენებთ თავად გუნდებს გაგაცნობთ.

.U5აკობრივ კატეგორიაში, როგორც უკვე აღვნიშნეთ, ჩემპიონობისთვის ორი თანაბარ ქულიანი გუნდი გადათამაშდება, მათგან ერთ-ერთი მეორე ადგილზე გადაინაცვლებს, მესამე ადგილოსანი გუნდის ვინაობა კი ცნობილია და ესენი გახლავთ მოაზროვნეები ზუგდიდიდან, რუხის საჯარო სკოლა გუნდი ,,ჭკვიანები" კაპიტანი თომა ღურწკაია.

.U8 ასაკობრივ კატეგორიაში მეორე ადგილზე გავიდა გუნდი ,,ქუთაისელები" ქუთაისის N41 საჯარო სკოლიდან , ხოლო მე3 ადგილის მფლობელი გახდა თბილისის 199 საჯარო სკოლის გუნდი ,,ცხადოს ხუთეული" კაპიტანი გურამ ზაქარეიშვილი-77 ქულით.

.U12 ასაკობრივ კატეგორიაში მე 2 ადგილის მფლობელი გახდა გუნდი ,,ევერესტი" ბათუმიდან, სკოლა ,,ევრო 2000"კაპიტანი ნიკოლოზ ჩიხლაძე. ამავე ასაკობრივ კატეგორიაში კი საუკეთესო სამეულის ჩამონათვალი დახურა გუნდმა ,,მინიონები"კაპიტანი ლუკა ტერტერაშვილი, კასპის მუნიციპალიტეტი ,,ბესიკ ნიპარიშვილის სახელობის მრავალპროფილური სკოლა"

რაც შეეხება პრიზებს მე2 და მე3 ადგილოსნებისთვის, შესაბამის სერტიფიკატებსა და მედლებთან ერთად მათ გადაეცათ “ინტელექტუალური ფესტივალი - Brains Expedition 2025”-ის საგზურები. ბრეინსის ინტელექტუალური ფესტივალი არის ტვინების მებრძოლთა საყვარელი აქტივობა არაფორმალურ გარემოში, რომელიც მოიცავს შემეცნებით ექსპედიციებს, ლაშქრობებს ან/და კემპინგს. სწორედ, ეს ფესტივალები ხდება  საქართველოს სხვადასხვა კუთხიდან ტვინებით მებრძოლთა დიდი დამეგობრების დასაწყისი. ვაუჩერის მფლობელი გუნდები, ინტელექტუალურ ფესტივალებში სრული დაფინასებით ჩაერთვებიან.

უკვე ორი სეზონია, ჩვენი კომპანიის პარტნიორია ,,IQ -ლიდერთა სკოლა" რომელიც მრავალი წელია სხვადასხვა საავტორო პროგრამებით, როგორც ქვეყანაში ასევე ფარგლებს გარეთ წარმატებით ფუნქციონირებს. ტვინების ბრძოლის ფინალში გამარჯვებულ გუნდებს, მთავარ ჯილდოსთან ერთად ,,IQ ლიდერთა სკოლისგან” გადაეცემათ 100%-იანი დაფინანსება ამ სკოლის ერთ სასწავლო პროგრამაზე, ხოლო საპრიზო ადგილის მფლობელები მიიღებენ 60% და 50%-იანი ფასდაკლების ვაუჩერებს. ფინალური ტურის ყველა მონაწილე კი მიიღებს ამავე სკოლისგან 30%-იანი ფასდაკლების ვაუჩერს. სასურველ პროგრამაში ჩართვა მოსწავლეებს შეეძლებათ, როგორც დასწრებულ ასევე ONLINE რეჟიმში.

მონაწილეთა ჩართულობის მნიშვნელოვანმა ზრდამ, მასპინძელი ლოკაციების დამატებაც განაპირობა და მიმდინარე სეზონის ფინალი ერთდროულად 8 სხვადასხვა წერტილში გაიმართა:

აქვე გვინდა ჩემპიონატების ყველა ეტაპის, თითოეულ მასპინძელ დაწესებულებას, ადმინისტრაციას, ორგანიზატორს და თამაშში ჩართულ პირებს, კიდევ ერთხელ გადავუხადოთ მადლობა და გამოვხატოთ პატივისცემა, რადგან მათ მხარდაჭერასა და თანამშრომლობას ჩვენთვის უდიდესი მნიშვნელობა აქვს.

გარდა ჩემპიონების და უკვე დასახელებული საპრიზო ადგილებისა, ტვინების ბრძოლის ტრადიცია დარბაზში საუკეთესო გუნდების გამოვლენაა, მეტი მოტივაციისთვის ჩვენ

დარბაზის ჩემპიონები, მეორე და მესამე ადგილოსანი გუნდები და ასევე განსხვავებული შედეგების მქონე საუკეთესო ხუთეული დავასახელეთ.

დარბაზის გამარჯვებულებს ასევე მე2 და მე5 ადგილოსან გუნდებს, საზაფხულო მარათონის სრული დაფინანსების ვაუჩერი და დარბაზის ჩემპიონის დამადასტურებელი დიპლომები გადაეცათ.

ჩემპიონატის სამივე ეტაპის ჯამური შედეგების საფუძველზე, წამახალისებელი პრიზებით დაჯილდოვდებიან სხვადასხვა ნომინაციაში გამარჯვებული გუნდები და კაპიტნები, რადგან როგორც იცით ბრეინსში ყველა ქულა ფასდება!