გუნდურ-ინტელექტუალური თამაშის ,,ტვინების ბრძოლის“ ახალი, შემოდგომა 2024-ის სეზონი, გადამწყვეტ ფაზაში შედის. სასკოლო პირველობიდან შერჩეული საუკეთესო გუნდები, 17 ნოემბერს ერთმანეთს,კიდევ უფრო ამბიციური ტიტულისთვის -ქალაქის ჩემპიონის სტატუსის მოსაპოვებლად დაუპირისპირდნენ.
შემოდგომის სეზონმა სტარტი სექტემბრის მეორე ნახევრიდან, შიდა მოსამზადებელი სამუშაოებით აიღო. მთელი ქვეყნის მასშტაბით 1ოქტომბრიდან 10 ნოემბრამდე, სასკოლო პირველობები, აქტიურად და მაღალი ჩართულობით წარიმართა, შესაბამისად ინტელექტუალური შერკინების მასშტაბებმა, ორივე ეტაპზე (როგორც შიდა სასკოლო, ასევე საქალაქო ტურზე) ბრეინსის მოღვაწეობის მრავალწლიანი ისტორიის, ყველა რეკორდი მოხსნა. უფრო კონკრეტულად კი შიდა სასკოლო პაექრობაში 1050 სკოლა, 10 000-ზე მეტი გუნდი და დაახლოებით 50 000 მოსწავლე ჩაერთო. პირველი ეტაპის შედეგად, სკოლებმა გამოავლინეს მათივე ჩემპიონი გუნდები, სხვადასხვა ასაკობრივ კატეგორიაში.
შიდა სასკოლო ტურის შემდგომ, მეორე ეტაპზე გადასული გუნდები, ერთმანეთს უკვე ქალაქის პირველობის ტიტულისთვის დაუპირისპირდნენ. მეორე ტური ქვეყნის მასშტაბით 50 ლოკაციაზე გაიმართა.
რეკორდული აღმოჩნდა საქალაქო პირველობაში ჩართული გუნდების რაოდენობაც, სადაც 2000-მდე გუნდმა და 10 000-ზე მეტმა მოსწავლემ იასპარეზა. აღნანიშნავია ის ფაქტი, რომ ტვინების ბრძოლა უკვე რამდენიმე სეზონია, ეთნიკურ უმცირებაში ენობრივი ბარიერის მოსახსნელად, ქართული ენის პარალელურად, სომხურ და აზერბაიჯანულ ენებზეც იმართება.
ფოტო ახალქალაქიდან, შემოდგომა 2024- საქალაქო პირველობა
საქალაქო ტურის დასრულების შემდეგ, გამოქვეყნდა გუნდების პირველადი შედეგები, ხოლო პარალელურ რეჟიმში წარმოებს აპელაციების მიღება. მონაწილეებს რომლებიც თვლიან, რომ მათი ჯამური ქულა ნაკლებია მოლოდინზე, დასაბუთებული განაცხადი შეუძლიათ შეავსონ, სააპელაციო ფორმის სახით, არაუგვიანეს 22 ნოემბრისა. აპელაციების შედეგები 23 ნოემბერს 21:00 საათზე გამოცხადდება, რის შემდეგადაც ცნობილი გახდება, ქალაქის ჩემპიონების და შემდეგ ეტაპზე გადასული გუნდების ვინაობა.
იხილეთ სააპელაციო ფორმის თანდართული ფაილი აპელაცია
აღსანიშნავია ის, რომ ტვინების ბრძოლის საქალაქო ეტაპი, კომპანიისგან დამოუკიდებელი მიზეზით, წელს 17 ნოემბერს ვერ ჩატარდა მხოლოდ ერთ ლოკაციაზე, ეს გახლდათ ჩვენი მრავალი წლის მასპინძელი დაწესებულება, თბილისის სახელმწიფო უნივერსიტეტი (თსუ). მონაწილეთა უსაფრთხოების გათვალისწინებით ვაკე-საბურთალოსა და ისანი-სამგორის გუნდებისთვის, საქალაქო ტური 24 ნოემბერს გაიმართება. საგანგებოდ მათთვის, თამაშის ახალი შეკითხვები დამზადდა. შეჯიბრი ორ ლოკაციაზე გაიმართება, ერთ-ერთი მათგანი გახლავთ თბილისის 169 საჯარო სკოლა, ხოლო მეორე ლოკაცია 22 ნოემბრამდე დაზუსტდება.
ტვინების ბრძოლის მესამე ეტაპი-რეგიონული პირველობაა, რომელიც 1 დეკემბერს ჩატარდება. შემდეგ ეტაპზე, განსხვავებული შედეგების მქონე გუნდების საუკეთესო 50% გადავა. რეგიონულ ტურში მონაწილეობა უფასოა. აქვე განთავსებულ ლინკზე თქვენ უკვე შეგიძლიათ იხილოთ მასპინძელი დაწესებულებები და მისამართები.
ჩემპიონატის ყველა ეტაპამდე ანონსდება წასაკითხი ლიტერატურა, საიდანაც თამაშში შესულია სამი შეკითხვა. აღნიშნული აძლევს მოსწავლეს მოტივაციას, წაიკითხოს დაანონსებული ლიტერატურა, ხოლო თუ წიგნი მისთვის უკვე ნაცნობია, უფრო სიღრმისეულად განამტკიცოს და გაიაზროს წაკითხულის შინაარსი.
გთავაზობთ რეგიონული ტურისთვის წასაკითხი ლიტერატურის ჩამონათვალს:
. U5 - რუდოლფ რასპე, "ბარონ მიუნჰაუზენის თავგადასავალი"
. U8 - ჰარიეტ ბიჩერ სტოუ, "ბიძია თომას ქოხი"
. U12 - ჯორჯ ორუელი, "1984"
რეგიონული ტურის შემდგომ, ტვინების ბრძოლის ფინალური ტური, საქართველოს ჩემპიონატი იმართება. ფინალი 15 დეკემბერს
ოთხ ქალაქში: თბილისში, ქუთაისში ბათუმსა და ზუგდიდში ჩატარდება.
სათამაშო მოედანზე შეკრებილი გუნდები საერთო ცხრილში გაერთიანდებიან და პარალელურ რეჟიმში იდენტურ შეკითხვებს უპასუხებენ.
ფინალური ტური გამოავლენს ქვეყნის ჩემპიონებს სამივე ასაკობრივ კატეგორიაში
პირველი ასაკობრივი კატეგორია მე-3, მე-4, მე-5 კლასი.
მეორე ასაკობრივი კატეგორია მე-6, მე-7, მე-8 კლასი.
მესამე ასაკობრივი კატეგორია მე-9, მე-10, მე-11, მე-12 კლასი.
ძვირფასო მეგობრებო, გულწრფელად გვახარებს თქვენი ძალიან დიდი ინტერესი, რომელსაც ,,ტვინების ბრძოლის" ახალი სეზონის მიმართ იჩენთ. სწორედ თქვენი ჩართულობა და აქტიურობა არის ჩვენი საქმიანობის წარმატების საზომი.მთლიანად ჩვენი გუნდი, თითოეული ქალაქის, რეგიონის მენეჯერი, სმს და ცხელი ხაზის ოპერატორები, არინ სრულ მზადყოფნაში, რომ ამომწურავად გასცენ პასუხი თითოეულ თქვენს შეკითხვას, რაც ამ დრომდე ბუნდოვანია ან გსურთ დააზუსტოთ. შევხვდებით რეგიონულ პირველობაზე. ტვინების ბრძოლა გისურვებთ წარმატებებს!
댓글